Кері байланыс
Астана қаласы әкімдігінің «Жансая» әлеуметтік қызмет көрсету орталығы КММ-сі қазан айындағы әлеуметтік мерекелер аясында 18 қазан күні Астана қаласы “Жастар” театрында «Әр баланың қолы жететін әлем» атты балалар мен олардың ата-аналарына арналған мерекелік концерт өтті. Іс-шараны «Астана қаласы қаласы Жұмыспен қамту және әлеуметтік қорғау басқармасының» басшысы Илья Васильевич Скуб және Орталық директоры Рысты Жағапарқызы Баймағамбетова құттықтау тілектерімен бастап, көрермендерге жылы лебіздерін білдірді. Сонымен қатар мерекелік іс-шара барысында Илья Васильевич Орталық қызмет алушысы Арзяева Янаның өлеңдер жинағын табыстап, шығармашылық табыстар тіледі. Орталық қызметкерлерінен құрылған «Құрмет дәлізі» мен көңілді аниматорлардың қарсы алуымен басталған мерекелік бағдарлама ән және бимен жалғасып, өте көңілді әрі қызықты өтті. Қазақстанның еңбек сіңірген қайраткері Досымжан Таңатаров кешті шарықтау шегіне жеткізді.
