Кері байланыс
22 желтоқсанда біздің орталықтың бүлдіршіндеріне арналған Жаңа жылдық мерекелік іс-шарасы өтті. Мерекелік концертіміз шыршаны жағумен басталды. Жаңа жыл – әр баланың жыл бойы асыға күтетін мерекелерінің бірі. Шырша шамын жағуға жиналған балалар және ата-аналар Аяз ата мен Ақшақарды, таңғажайып сиқырлы кейіпкерлерді ерекше қуанышпен қарсы алып, түрлі қойылымдағы ән мен би өнерлерін, аниматорларды тамашалады. Әрі қарай балаларға арналған «Қоянды кім ұрлады?» атты ертегі – мюзиклмен жалғасты. Бүлдіршіндердің жүзінен олардың ерекше мәз-мейрам болғандарын аңғару қиын емес еді.
Астана қаласы әкімдігінің «Жансая» әлеуметтік қызмет көрсету орталығы КММ-ң директоры Рысты Жағыпарқызы және директордың орынбасары Ердаулет Қарсыбайұлы балаларды және ата-аналарды келе Жаңа жылмен құттықтап, өздерінің жылы лебіздерін білдірді.
Құрметті қызмет алушылар және ата-аналар, Жаңа жыл қарсаңында сіздерге мерекелік көңіл-күй, қуаныш, отбасыларыңызға зор денсаулық тілейміз!
