Кері байланыс
2022 жылдың 28.02 – 11.03. аралығында ” Жансая” әлеуметтік қызмет көрсету орталығының #4 бөлімшенің қызмет алушы балақайлары үшін “Көктем шақырады” атты оңалту іс-шарасы үлкен қарқынмен өтті. Оңалту курсынан жалпы 45 бала өтті. Оңалту барысында балалар мен ата-аналары үшін жас әнші Ержан Максимнің қатысуымен ” Алғыс айту- жүрек лебізі”, “Шабыт” университетінің дарынды түлектерінің қатысуымен және Назарбаев Зияткерлік мектебінің оқушылары дайындаған концерттік бағдарламалары, М.Горький атындағы драмма театрдың қойылымы, Korolevstvo және “Kolor-it” аниматорлар компанияларының қызықты мерекелік құттықтаулары ұйымдастырылды.
Онкүндік аралығында екі баланың тұсау кесуі өтті. Үлкен өмірге ашық жол бұғауын G-Park құрылыс компаниясының директоры Ғабит Хакімұлына Сәтмағамбетов кессе, екінші балақайдың тұсауын Дін істер басқармасының басшысы Нұрдаулет Иманәліұлы кесіп, батасын берді. Қызмет алушы балалардың ата- аналары үшін ЕДШ нұсқаушылары, массажист, шаштараз, психолог спикерлері шақырылып, оңалту іс-шарасы жан- жақты, түрлі бағытты қамтып өтті.
