Кері байланыс
Бүгін Астана қаласының Қазақстанның елордасы мәртебесін алғанына 25 жыл толып отыр. Осы тамаша күні «Жансая» әлеуметтік қызмет көрсету орталығының № 1,5,6,8 бөлімшелерінің қызмет алушылары “Франке шоуға” циркке шақырылды. Актерлар мен өнер көрсетушілер өте жақсы дайындалған, сценарий де тамаша құрылған. Сахна талғаммен безендіріліп, әдемілік, жарқындық, мерекелік сезімге бөледі. Бағдарламада ата-аналар әуе гимнасттарын, батыл акробаттарды ерекше атап өтсе, балаларды жаттықтырған пудельдер және көңілді сайқымазақтар қуантты. Астана қаласының Жұмыспен қамту және әлеуметтік қорғау басқармасына осындай іс-шараларды өткізуге тұрақты көмек көрсеткені үшін қызмет алушылардың және бүкіл орталықтың атынан алғысымызды білдіреміз. Сонымен қатар, балаларымызға осындай жарқын мереке сыйлағаны үшін ұйымдастырушыларға, астаналық цирктің @astanalyqtsirk бүкіл ұжымына мың алғыс айтамыз. Сіздерге зор денсаулық, отбасыларыңызға амандық және шығармашылық өрлеу, атқарылып жатқан істердің жемісін көру, шығармашылық еңбектің өркендеуін тілейміз.
