Кері байланыс
“Ер есімі- ел есінде” демекші, ер жүрек, батыр ата- бабаларымыздың батылдығын ғасырлар бойы сақтап, ұрпақтарға жеткізіп келеміз. Кеше ғана Отан қорғаушылар күнін атап өтіп, Ұлы Отан соғысының ардагерлеріне тағзым етіп, еске алдық. Қызмет алушы балалар сурет көрмесі, өз қолымен жасаған туындылары арқылы елім, жерім деп жүректері елжіреген батыр бабаларды дәріптеді. Ал бүгін “Жансая” әлеуметтік қызмет көрсету орталығының қызмет алушы балалары үшін Қазақстан Республикасы Қарулы Күштерінің Әскери-тарихи мұражайына ерекше экскурсия ұйымдастырылды. Балалар «Антикалық дәуір» залын, 19 -20 ғасырдағы әскери тарих залын, 20-21 ғасырлардағы қару-жарақ залы мен бейнелеу өнері залдарын аралап, туындылары мен жәдігерлерін тамашалады. Келушілер жағымды әсер алып, алғыстарын білдірді.
