“Қоғамға қызмет ету” жобасы аясында Назарбаев зияткерлік мектебінде концерт өтті

Ағымдағы жылдың 5 ақпан күні Назарбаев зияткерлік мектеп қабырғасында «Қоғамға қызмет ету» жобасы аясында «Жансая» әлеуметтік қызмет көрсету орталығының ұйымдастыруымен және Орталықтың қызмет алушыларының қатысуымен концерттік бағдарлама өтті. Концерттік бағдарламада біздің балалар би билеп, ән салып, музыкалық аспапта да өз өнерлерін көрсетті. Концерт барысында Назарбаев зияткерлік мектеп директорының тәрбие ісі жөніндегі орынбасары Нурышева Ардақ Каироллиновна өзінің Орталыққа және де біздің қызмет алушыларға деген алғысын білдірді. Барлық қатысушыларға мектеп атынан алғыс хаттар мен сыйлықтар табысталды.