Кері байланыс
Ағымдағы жылдың 16 наурыз күні Қазақстан Республикасы Ұлттық музейінде Ұлыстың ұлы күні – Әз Наурыз мейрамына орай, бүлдіршіндерге арналған «Аңыз әлемінде» атты мерекелік ертеңгілік өтті.
Бұл ертеңгіліктің мақсаты – ежелгі заманнан қалыптасқан жыл бастау мейрамы қарсаңында балаларға ұлттық мерекенің маңыздылығы мен ауқымдылығын насихаттау, мерекелік көңіл-күй сыйлаумен қатар, тәрбиелік мәні зор Наурыз мейрамының тың үлгісін қалыптастыратын ертеңгілік сыйлау.
Мерекеге жиналған көрермендер «Жеті қат көк Тәңірдің Көк өгізді жерге жіберуі», «Жер ананың ұйқыға кетуі», «Үркердің жеті сұлуының Жер ананы бақылап отыруы», «Күн таласы», «Үт бикештің келуі», «Қызыр атаның көк өгізді қууы» және т.б қызықты көріністерді тамашалады. Бүгінгі іс-шара қызмет алушылар мен ата аналарға тамаша көңіл-күй сыйлап, қызықты өтті.
Аталған шараны ұйымдастырған Музей педагогикасы және балалар шығармашылығы бөлімінің қызметкерлеріне алғысымызды білдіреміз.
