Орталық қызметкерлері көктемгі жаңару күні – Наурыз мейрамын атап өтті

Бүгін “Жансая” ӘҚКО–да ерекше күн болды, өйткені бұл күні орталық қызметкерлері көктемгі жаңару күні – Наурыз мейрамын атап өтті. Сегіз бөлімшенің әлеуметтік қызметкерлерінің арасында мерекелік байқау өткізілді, онда әркім көрермендер мен қазылар алқасына сұлулық пен талантты ғана емес, сонымен қатар сахна мәдениетін, сахнаға шығу қабілетін және өзін таныстыру қабілетін көрсетті. Байқау 4 кезеңнен тұрды: танысу, сұрақ-жауап, үй тапсырмасы және өзінің шығармашылық талантын көрсету. Байқауға қатысушылардың әрқайсысы өз таланттарын ғана емес, сонымен қатар ұлттық әдет-ғұрыптар мен салт-дәстүрлерді де көрермендерге көрсете отырып, тапсырмаларды өте жақсы орындады. Байқау қорытындысы бойынша барлық қатысушылар 8 номинация бойынша дипломдармен марапатталды: “Ұлттық дәстүрді дәріптеуші”, “Күміс көмей” әнші”, “Көрермендер көзайымы”, “Он саусақтан өнері тамған”, “Берекелі дастарқан”, “Үздік ұлттық киім”, “Тіл майталманы”, «Ең тапқыр”, сондай-ақ сыйлықтар табысталды. Барлығы бір-бірін алдағы мерекемен құттықтап, бейбітшілік, амандық, бақыт пен өркендеу тіледі.