Кері байланыс
Бүгін Қазақстан халқы 1 мамыр ынтымақ пен бірлік күнін тойлап жатыр. Еліміз үшін бұл мейрамның орны ерекше. Отаны бірдің тілегі бір, жүрегі бір» деген жақсы сөз бар. Жүзі басқа болса да, жүрегі бір, тілі басқа болса да, тілегі бір, атасы басқа болса да, Отаны бір демекші, қаншама ұлттарды біріктіріп отырмыз.
Көп ұлт өкілдері тұратын ел болуымыз – біздің байлығымыз, мақтанышымыз. Міне , осындай айтулы күні, ” Жансая” әлеуметтік қызмет көрсету орталығының қызмет алушы балақайлары үшін Астана қаласы әкімдігінің ” Қуыршақ театры” керемет қойылым ұйымдастырды. Қойылым басталмас бұрын балалар мен ата- аналарға арнайы аниматорлық- бағдарлама интерактивті ойын жүргізілді, ертегі кейіпкерлері мен аниматорлар ойыннан соң сиқырлы пердені ашып ертегі әлемін паш етті ” Алдар және оның достары” тақырыбындағы тамаша қойылымның тақырыбы да халықтар достастығына сәйкес әрі қызықты болды. Орталық және ата- аналар атынан Қуыршақ тетрының әкімшілігі мен ұжымына осындай тамаша мерекелік көңіл күй үшін алғыс білдіреміз @kuyrshak_teatry_astana
Келіп жеткен мереке құтты болсын, еліміз аман, жұртымыз тыныш болсын!
