Кері байланыс
Ағымдағы жылдың 26 мамырында «Ұлттық игілік балалары үшін» атты «МЕЙІРІМ» балалар шығармашылығының V инклюзивті мұражай фестивалі өткізілді.
Фестивальдің мақсаты ерекше білім беру қажеттіліктері бар балалар үшін олардың шығармашылық әлеуетін ашуға, таланттарды, мәдени бірегейлікті дамытуға, балаларды түсіну, төзімділік, айырмашылықтарды құрметтеу рухында инклюзивті қоғамда тәуелсіз өмірге дайындауға ықпал ететін инклюзивті шығармашылық кеңістік құру.
Шеберлік сабақтарында балалар жүннен түрлі суреттер жасады, пластилиннен көркем пейзаждар, саздан геометриялық фигуралар жасады, сонымен қатар әртүрлі стильде сурет салды. Әрі ұарай Аниматорлармен бірге ойын-сауық бағдарламасы жалғасын тапты.
Бүгінгі іс-шарада «Жансая» әлеуметтік қызмет көрсету орталығы директорының орынбасары Кәмен Диана Қасымқызы мен әлеуметтік қызметкерлер де ат салысты. Іс-шара қызмет алушылар мен ата-аналарға керемет көңіл-күй сыйлап, өте қызықты өтті.
Осы іс-шараны ұйымдастырған мұражай қызметкерлеріне, сонымен қатар педагогика және балалар шығармашылығы бөлімінің қызметкерлеріне алғысымызды білдіреміз.
