Кері байланыс
Халықаралық балаларды қорғау күні-ең көне халықаралық мерекелердің бірі. Жыл сайын Астана қаласы әкімдігінің «Жансая» әлеуметтік қызмет көрсету орталығы» балаларды қорғау күніне арналған мерекелік іс-шара өткізеді. Биылғы жылы мереке Амфитеатр ашық алаңында өтті, «САМҰРЫҚТЫҢ алтын жұмыртқасы» театрландырылған шоуы, шарлар шоуы, Аква макияжы, сиқыршының қойылымы, вокалдық қойылымдар мен билерді қамтитын мерекелік бағдарлама өтті! Сонымен қоса Орталығымыздың «Жансая» үлкен және кіші би топтарының талантты қызмет алушылары өнерлерін көрсетті.
Дәстүрлі түрде қызмет алушыларды «Астана қаласының жұмыспен қамту және әлеуметтік қорғау басқармасының» басшысы Скуб Илья Васильевич және «Жансая» әлеуметтік қызмет көрсету орталығының» директоры Аманбай Ердәулет Қарсыбайұлы құттықтау тілектерін білдірді.
Басты кейіпкерлердің қойылымы мен бойлы қуыршақтар, аниматорлар, сәндік субұрқақтар және жағалаудың керемет көрінісі мерекелік атмосфераның көркін аша түсті!
Орталық қызметкерлері барлық балалар мен ересектерді осындай тамаша мерекемен құттықтайды! Балаларды қорғау күні құтты болсын! Алаңсыз, көңілді, қуанышты. Әр бала ата-анасының қамқорлығын сезініп бақытты сәттері көп болсын. Аспанымыз әрқашан ашық, заманымыз бейбіт болсын, әр жаңа күн мейірімге және қызыққа толы болсын. Ал ата-аналарға шыдамдылық, мейірімділік, нәзіктік тілейміз!
