Кері байланыс
“Балалар жылы” аясында бүгін Нұр-Сұлтан қаласы әкімдігінің “Жансая”әлеуметтік қызмет көрсету орталығы КММ-де Орталық саябақтағы амфитеатрда ҚР Конституциясы күніне орай, балалар күніне арналған мерекелік концерт өтті. Нұр-Сұлтан қаласының Жұмыспен қамту және әлеуметтік қорғау басқармасының басшысы И.В. Скуб, қалалық маслихат депутаты Жандилдаев Б.Б. және “Жансая” әлеуметтік қызмет көрсету орталығы КММ директорының орынбасары Е.Қ. Аманбай сахна төріне шығып көрермендерге жылы лебіздерін білдірді.
Мерекелік бағдарлама әр көрерменді ғажайып пен сиқыр әлеміне еліктірген “Хәрри Поттер және пәлсапа тас” атты интерактивті театрланған қойылым ретінде өтті. Басты кейіпкер Хәрри зұлымдықты мейірім жеңген, күлімсіреу мен позитив көңіл күй қараңғы бұлттарды сейілтуге қабілетті таңғажайып әлемге ертті. Ән, би және түрлі ойындар біздің қызмет алушыларға сергектік қуаты мен жалынды серпін сыйлады.
